Եկամտային հարկի վերադարձը 2025-ին

Որտե՞ղ և ե՞րբ գնել անշարժ գույք, որ օրենքն աշխատի քեզ համար

Եկամտային հարկի վերադարձի օրենքի փոփոխություններն արդեն ուժի մեջ են, լայնորեն քննարկվում են և հուզում բոլորին, ովքեր արդեն գնել են անշարժ գույք կամ պատրաստվում են։

Ո՞ր նորակառույցների վրա սահմանափակումները չեն տարածվում, ովքե՞ր կարող են ստանալ եկամտային հարկի վերադարձ․․․ Այս հոդվածում փորձել ենք ամփոփել եկամտային հարկի վերադարձի հետ կապված բոլոր հարցերի պատասխանները, ինչպես նաև ներկայացրել ենք այն նախագծերը, որոնք կարող են հետաքրքրել քեզ։

Եկամտային հարկի վերադարձի սահմանաչափն ու աշխարհագրությունը

Ավելի քան տասը տարի գործող եկամտային հարկի վերադարձի օրենքի նպատակը Հայաստանում շինարարության ոլորտի ակտիվացումն էր։ Այս օրենքով բնակարան ձեռք բերելու դեպքում գնորդները եռամսյակային հաճախականությամբ ստանում են հիփոթեքային վարկի տոկոսների վերադարձ իրենց եկամտահարկի չափով։ 

2021թ․ սեպտեմբերին, օրենքում կատարված փոփոխությունների համաձայն, աստիճանաբար սկսեց սահմանափակվել Երևանում եկամտային հարկի վերադարձով բնակարաններ ձեռք բերելու հնարավորությունը։ Մասնավորապես, 2022թ․-ից ծրագիրը դադարեցվեց Կենտրոնում և Արաբկիրում, իսկ արդեն 2025թ․-ից՝ ամբողջ Երևանում։

Չնայած նրան, որ ձեռք բերվող գույքի գումարի փոփոխություն չի կատարվել, և գույքի առավելագույն սահմանը մնացել է նույնը` 55 մլն ՀՀ դրամ, փոխվել է եկամտային հարկի վերադարձվող 3-ամսյա հանրագումարը։ Այս տարվա հունվարի 1-ից այն կազմում է 750,000 ՀՀ դրամ` նախկին 1,5 մլն դրամի փոխարեն: Այս փոփոխությունը չի վերաբերում այն քաղաքացիներին, որոնք կնքել են եկամտային հարկի վերադարձով հիփոթեքային պայմանագիր մինչ օրենքի փոփոխությունը։

Հիմա անցնենք մյուս փոփոխություններին։ Այսպես, 2027թ․ հունվարի 1-ից հետո ստացված հիփոթեքային վարկերի մասով եկամտային հարկի վերադարձ չի լինելու, եթե գույքը գտնվում է Երևանին հարակից՝ Արագածոտնի, Արարատի, Արմա­վիրի և Կոտայքի մարզերում։ 2029թ․ հունվարի 1-ից այս փոփոխությունը տարածվելու է նաև Շիրակի, Լոռու, Տավուշի, Գեղարքունիքի, Վայոց Ձորի և Սյունիքի մարզերի վրա, բացառությամբ Կառավարության հաստատած ցանկում ներառված սահմանամերձ բնակավայրերում գտնվող կամ կառուցվող անշարժ գույքի։

 Նշենք, որ նույն շահառուն՝ անկախ նրանից վարկառու է թե համավարկառու, 2018թ․ հունվարի 1-ից հետո կարող է օգտվել եկամտային հարկի վերադարձից միայն մեկ հիփոթեքային վարկի պայմանագրի մասով։

Եկամտային հարկի վերադարձը Երևանում

Չնայած այս բոլոր փոփոխություններին՝ Երևանում դեռ հնարավոր է ձեռք բերել անշարժ գույք եկամտային հարկի վերադարձով։

Խոսքը վերաբերում է այն բազմաբնակարան շենքերին, որոնց շինթույլտվությունը տրվել է մինչև 2022թ․ հունվարի 1-ը։

Այս պահին Myhome.am հարթակում ներկայացված է 21 նախագիծ, որոնցից բնակարան ձեռք բերելու դեպքում կարող ես օգտվել եկամտային հարկի վերադարձի օրենքից: Նախագծերին ծանոթանալու համար անցիր այս հղումով

Եկամտային հարկի վերադարձը Երևանից դուրս, բայց Երևանին մոտ

Եկամտային հարկի նոր օրենքը, չնայած սահմանափակումներին, հնարավորություն է տալիս ներդրում կատարելու գրավչությունը փնտրել Երևանից դուրս՝ մայրաքաղաքի աղմկոտ անցուդարձից հեռու։

Մուտք գործիր Myhome.am ու ծանոթացիր ևˊ Երևանում, ևˊ մարզերում եկամտահարկի վերադարձով գործող նախագծերին: