ՀԱՐՑՈՒՄ ԿԱՏԱՐԵԼՈՒ ՎԵՐԱԲԵՐՅԱԼ ՀԱՄԱՁԱՅՆՈՒԹՅՈՒՆ
(կիրառելի է «Ամերիաբանկ» ՓԲԸ-ի` անշարժ գույքերի կառավարման հարթակում նույնականացման և դրա շրջանակներում ծառայությունների մատուցման նպատակով հաճախորդների վերաբերյալ տեղեկատվության ինքնաշխատ կերպով արտացոլման համար)
Սույնով տալիս եմ համաձայնություն առ այն, որ.
Հիմք ընդունելով ՀՀ օրենսդրությունը, այդ թվում՝ «Անձնական տվյալների պաշտպանության մասին» ՀՀ օրենքը` սույնով ես տալիս եմ համաձայնություն առ այն, որ «Ամերիաբանկ» ՓԲԸ-ն (այսուհետ` Բանկ), իրավունք ունի առանց ինձ նախապես տեղեկացնելու և լրացուցիչ համաձայնություն ստանալու հարցումներ կատարել, ստանալ և օգտագործել (այդ թվում, սակայն չսահմանափակվելով` Բանկի կողմից օգտագործվող փաստաթղթերում զետեղել, վերլուծել, գնահատել և այլն) իմ, ինչպես նաև ինձ սեփականության իրավունքով պատկանող անշարժ գույք/եր/ի վերաբերյալ «Անշարժ գույքերի կառավարման հարթակում նույնականացման և դրա շրջանակներում ծառայությունների մատուցման նպատակով «Ամերիաբանկ» ՓԲԸ-ի կողմից ստացվող տեղեկատվություն» փաստաթղթով սահմանվող տեղեկատվությունը` ՀՀ պետական մարմիններից, ներառյալ, սակայն չսահմանափակվելով` ՀՀ Կադաստրի կոմիտեից, «Էլեկտրոնային կառավարման ենթակառուցվածքների ներդրումների գրասենյակի» միջոցով համապատասխան մարմիններից` ինձ նույնականացնելու, դրա շրջանակներում, ինչպես նաև ինձ սեփականության իրավունքով պատկանող անշարժ գույք/եր/ի վերաբերյալ ստացված տեղեկատվությունը անշարժ գույքերի կառավարման հարթակում (առկայության դեպքում իմ կողմից օգտագործվող այլ հեռահար սպասարկման համակարգերում) ինքնաշխատ կերպով արտացոլելու նպատակով` տվյալ համակարգ/եր/ի միջոցով հասանելի ծառայություններից օգտվելու, դրանց շրջանակներում իրավահարաբերություններ ձևավորելու, պայմանագրեր, հայտեր կազմելու/գեներացնելու, ինչպես նաև Բանկի կամ իմ նախաձեռնությամբ Բանկի կողմից մատուցվող ծառայությունների մատուցման առաջարկներ ներկայացնելու համար.
Տեղեկացված եմ, որ սույն համաձայնության տրամադրումը պարտադիր է վերոնշյալ նպատակի իրականացման համար, այն կիրառելի է իմ կողմից տրամադրելու պահից և գործում է վերոնշյալ նպատակի իրականացման համար հասանելի որևէ ծառայության տրամադրման հայտի դիտարկման, իսկ որևէ բանկային ծառայության գծով իմ և Բանկի միջև իրավահարաբերության ծագման դեպքում` այդ իրավահարաբերության ամբողջ ժամանակահատվածում:
Սույն համաձայնությունը և Բանկի` «Անշարժ գույքերի կառավարման հարթակում նույնականացման և դրա շրջանակներում ծառայությունների մատուցման նպատակով «Ամերիաբանկ» ՓԲԸ-ի կողմից ստացվող տեղեկատվություն» հրապարակային փաստաթուղթը կարդացել եմ, սույնով տրվող համաձայնության բովանդակությունն ինձ համար ամբողջությամբ հասկանալի և ընդունելի է և հանդիսանում է իմ ազատ կամահայտության արդյունքը:
Տեղեկացված եմ, որ ՀՀ օրենսդրությամբ նախատեսած իրավական հիմքերի առկայության դեպքում ցանկացած պահի կարող եմ Բանկին ներկայացնել գրավոր պահանջ` Բանկի կողմից իմ անձնական տվյալները ստանալու, մշակելու, պահպանելու, օգտագործելու և սույն փաստաթղթով տրամադրված իմ մնացած համաձայնություն(ներ)ը հետ կանչելու վերաբերյալ, որը Բանկի կողմից դիտարկվում և ընթացք է տրվում ՀՀ օրենսդրությամբ և/կամ Բանկի ներքին իրավական ակտերով սահմանված կարգով և ժամկետներում: Տեղեկացված եմ նաև, որ համաձայնությունը հետ կանչելու դեպքում կարող է սահմանափակվել և(կամ) դադարեցվել Բանկի կողմից ինձ ծառայությունների մատուցումը:
Տեղեկացված եմ, որ ՀՀ օրենսդրությամբ նախատեսած իրավական հիմքերի առկայության դեպքում կարող եմ Բանկին ներկայացնել գրավոր պահանջ` Բանկին տրամադրված իմ անձնական տվյալների ուղղման, ոչնչացման և/կամ մշակման դադարեցման վերաբերյալ, որը Բանկի կողմից դիտարկվում և ընթացք է տրվում ՀՀ օրենսդրությամբ և/կամ Բանկի ներքին իրավական ակտերով սահմանված կարգով և ժամկետներում:
Միաժամանակ, գիտակցում և հաստատում եմ, որ ունեմ անհրաժեշտ լիազորություն ինքնուրույն տնօրինել ինձ պատկանող անշարժ գույք/եր/ը ամբողջությամբ /իրականացնել ցանկացած գործողություն դրանց առնչությամբ/, անգամ նաև, եթե դրանք գտնվում են ընդհանուր սեփականության ներքո, և իմ կողմից սույնով կեղծ տեղեկություններ, ոչ արժանահավատ հավաստումներ, ներկայացնելու դեպքում անձամբ ստանձնում եմ հնարավոր բոլոր իրավական հետևանքների պատասխանատվությունը ՀՀ օրենսդրությամբ սահմանված կարգին և պայմաններին համապատասխան։
«Անշարժ գույքերի կառավարման հարթակում նույնականացման և դրա շրջանակներում ծառայությունների մատուցման նպատակով «Ամերիաբանկ» ՓԲԸ-ի կողմից ստացվող տեղեկատվություն» (11RBD LI 72-06-07), ընդունվել է Բանկի Տնօրինության 13.11.2025թ. թիվ 01/181/25 որոշմամբ: Հղումը` https://ameriabank.am/useful-links