Ի՞նչ ասել է պրեմիում անշարժ գույք
10 նոյեմբեր, 2025
Պրեմիում բնակարաններ, պրեմիում շենքեր, պրեմիում թաղամասեր․․․
Վերջին շրջանում Հայաստանի անշարժ գույքի ոլորտում ավելի հաճախ ենք հանդիպում «պրեմիում» դիրքավորմանը։ Իսկ ի՞նչ է սա նշանակում։
Հարկ է նշել, որ չկան միջազգային հստակ չափանիշներ, որոնց համապատասխանելով բնակելի համալիրը կհամարվի պրեմիում։ Գնահատումն ու դիրքավորումը իրականացվում են այն շուկայում, որտեղ կառուցվում է համալիրը։
Սակայն կան որոշ հատկանիշներ, որոնց ամբողջությունը թույլ է տալիս շենքը կամ համալիրը դասել այդ կարգին։
- Կառուցում և սպասարկում
Պրեմիում շինությունները նախ և առաջ տարբերվում են կառուցման չափորոշիչներով, նյութերի որակով և հագեցվածությամբ՝ օդափոխման համակարգեր, վերելակներ և այլն։ Ինչպես նաև ունեն բարձրակարգ ընթացիկ սպասարկում։
- Տեղադիրք
Բնակարանները գտնվում էլիտար թաղամասերում, քաղաքի կենտրոնում կամ առանցքային նշանակություն ունեցող օբյեկտներին մոտ տարածքներում։
- Ենթակառուցվածքներ
Բնակարանները կամ կառուցվում են արդեն իսկ զարգացած ենթակառուցվածք ունեցող հատվածներում, կամ կառուցապատողներն իրենք են նախաձեռնում ենթակառուցվածքների ապահովումը․ կայանատեղի, զբոսայգի, մանկական խաղահրապարակ, մարզասրահ, խանութներ, դպրոց, օֆիսային տարածքներ և այլն։
- Անվտանգություն
Դժվար թե ինչ-որ մեկը մեքենայով, երբեմն նույնիսկ ոտքով կարողանա ազատ հայտվել պրեմիում համալիրի բակում։
Նրան կդիմավորեն անվտանգության աշխատակիցները։ Իսկ շենքի շրջակայքում կլինեն անվտանգության բազմաթիվ տեսախցիկներ։
- Ժամանց
Պրեմիում բնակավայրերը բավարարում են բնակիչների ոչ միայն կարիքները, այլև մի շարք ցանկություններ։ Համալիրների հարևանությամբ կամ նույնիսկ ներսում հաճախ կարելի է տեսնել ռեստորաններ ու սրճարաններ։ Իսկ երբեմն նաև մեծ առևտրի կենտրոններ, կինոթատրոններ և ժամանցի այլ կետեր։
- Գին
Իհարկե, այս ամենի արդյունքում պրեմիում շենքերն ու համալիրները հայտնվում են այլ գնային սեգմենտում։
Այս պահին աշխարհում ամենաթանկ* բնակարանները գտնվում են Մոնակոյում, Նյու Յորքում և Հոնկոնգում, որտեղ 1քմ-ն միջինում ունի այս արժեքները՝
- Մոնակո ~ $38,800
- Նյու Յորք ~ $27,500
- Հոնկոնգ ~ $26,300
- Լոնդոն ~ $24,000
- Սեն Ժան Կապ Ֆեռա ~ $21,200
- Փարիզ ~ $20,400
- Սիդնեյ ~ $19,500
- Փալմ Բիչ ~ $18,000
- Մայամի ~ $17,800
- Լոս Անջելես ~ $17,500
*Տվյալների հիմքում ընկած են 2025թ․-ի ընթացքում կատարված հետազոտությունների տվյալները։ Ժամանակի ընթացքում դրանք կարող են փոփոխվել։
Երևանի անշարժ գույքի ոլորտում նույնպես զարգանում է պրեմիում սեգմենտը։ Դրանց, ինչպես նաև տասնյակ այլ բնակարանների կարող եք ծանոթանալ myhome.am-ում։