Ինչպե՞ս ամրագրել տուն կառուցապատողից` անվճար, օնլայն, մի քանի րոպեում

Ինչո՞ւ ասել «ոչ» ավանդական մոտեցումներին 

• «Տեսանելի», բայց վաճառված գույքեր: Դու տեսնում ես գեղեցիկ բնակարան ու մտածում. «Այն է, ինչ պետք է»: Զանգում ես գործակալին և պարզում, որ այն վաճառվել է մի քանի օր առաջ։ Խնդի՞րը. տվյալները չեն թարմացվում իրական ժամանակում: Իսկ եթե ամեն բան օնլայն լիներ, դու կտեսնեիր, որ վաճառված է:
• Գույքը կորցնելու ռիսկ: Ակտիվ շուկայում ամեն րոպեն թանկ է։ Դու գուցե պատրաստել ես գումարը, մտքումդ արդեն գնել ես տունը, բայց բավական է մի փոքր ուշ հասնես գրասենյակ, մեկ ուրիշը կարող է «ձեռքիցդ տանել» գույքը:
• Ժամանակի կորուստ: Այցելություններ վաճառքի գրասենյակներ, շինհրապարակներ, խցանումներ, և ի՞նչ. ժամանակի ու նյարդերի կորուստ:
• Փաստաթղթային քաշքշուկներ: Քեզ վրա «թանկ» կարող է նստել ոչ միայն տարբեր վայրեր այցելելը, այլև փաստաթղթեր հավաքելն ու ներկայացնելը. պայմանագրերը, փոխանցումները, ֆիզիկական ստորագրությունները հաճախ տևում են օրեր:

Իսկ ի՞նչ ունենք օնլայնի պարագայում: Դու օնլայն տեսնում ես գույքը, ուսումնասիրում ես շենքի թվային մոդելը, տվյալները, ստուգում բնակարանի հատակագիծը, լուսավորությունը և վերջում ամրագրում ես այն անմիջապես։

Ի՞նչ կտա քեզ օնլայն ամրագրումը

Ամրագրման 24/7 հասանելիություն: Դու այլև ստիպված չես լինի սպասել, մինչև վաճառքի մասնագետը պատասխանի զանգիդ կամ ինքդ հասնես գրասենյակ: Անշարժ գույքը կարող ես ամրագրել ցանկացած պահի, ցանկացած վայրից:

Հանգստություն, որ գույքը քոնն է լինելու: Անկախ նրանից գիշերվա 12-ին ես ամրագրել, թե առավոտյան 6-ին` դու գիտես, որ այլևս ոչ ոք չի կարող քեզնից առաջ ընկնել: Այդ գույքն ամրագրման պահից քոնն է և «փակ» մյուսների համար:

Իրական ժամանակում թարմացվող տվյալներ: Օնլայն ամրագրման դեպքում կարող ես վստահ լինել, որ այն, ինչ տեսնում ես, իսկապես առկա է տվյալ պահին:

Լավ լուրն այն է, որ անշարժ գույքն օնլայն ամրագրել կարող ես նաև Հայաստանում, մասնավորապես` myhome.am-ում: Ընտրիր քեզ հետաքրքրող գույքը, սեղմիր «Դիմել օնլայն» կոճակը, հետևիր հրահանգներին, և գույքը քեզ համար անվճար «կպահվի» 3 օր: Հետո կարող ես դիմել վարկի համար և ստանալ հիփոթեքն օնլայն` նույն հարթակում:

Անվտանգության «առասպելը» կամ արդյո՞ք օնլայնն անվտանգ է 

Եթե անգամ ինքդ այդպես չես մտածում, առնվազն մեկ անգամ լսած կլինես. «Բայց անվտա՞նգ է արդյոք խոշոր գործարքն օնլայն անելը»:

Պատասխանը` անգամ ավելի անվտանգ, քան օֆլայնը: Ինչո՞ւ. որովհետև օնլայն հարթակներում ամեն քայլ գրանցվում է և պաշտպանված է կոդավորմամբ (պետք է միայն ընտրել վստահելի հարթակ): Այնինչ ավանդական տարբերակում թղթե պայմանագիրը կարող է կորչել կամ կեղծվել։ 

Ուրեմն, թղթային քաշքշուկների ու բանակցությունների ժամանակն ավարտված է: Օնլայն գտիր տունը, օնլայն ամրագրիր և օնլայն էլ ստացիր հիփոթեքդ նույն հարթակում: Իսկ ժամանակդ տրամադրիր այն ամենին, ինչն իսկապես կարևոր է <3