Ինչպե՞ս իջեցնել գործող հիփոթեքի տոկոսն ու բարելավել վարկի պայմանները

Արի պատկերացնենք, որ ունես մի քանի վարկ տարբեր բանկերում կամ վարկային կազմակերպություններում։ Օրինակ՝ ապառիկով հեռախոս ես գնել, տուն գնելու համար հիփոթեք ես վերցրել, մեկ ուրիշ անգամ էլ՝ սպառողական վարկ ես վերցրել, որ ճամփորդես։ Վարկերը վերցրել ես տարբեր ժամանակներում, տարբեր բանկերից, ու հիմա ստիպված ես ամսական մի քանի անգամ մարումներ անել, հիշել հազար ու մի ամսաթիվ ու տարբեր պայմաններ: 

Բարդ է, չէ՞։ Բայց շունչ քաշիր. վարկերի վերաֆինանսավորումը կարող է հեշտացնել քո ֆինանսական կյանքը։

Ի՞նչ է վարկերի վերաֆինանսավորումը

Վարկերի վերաֆինանսավորումը հնարավորություն է տալիս միավորել մի քանի վարկ՝ մեկ վարկի մեջ ավելի բարենպաստ տոկոսադրույքով և ավելի հարմար ժամկետներով։ Սա վերաբերում է սպառողական, հիփոթեքային վարկերին, ավտովարկերին և այլ վարկատեսակներին։

Ընդ որում, վարկերի վերաֆինանսավորումը կարող է կիրառվել նաև մեկ վարկի դեպքում։ Այսինքն՝ եթե արդեն ունես վարկ, բայց գտնում ես, որ մյուս բանկն ավելի շահավետ պայմաններ է առաջարկում, կարող ես տեղափոխել քո վարկը և փոխել պայմանները։

Ի՞նչ կտա քեզ վարկերի վերաֆինանսավորումը

• Տոկոսադրույքների նվազում։ Եթե շուկայում տոկոսադրույքներն իջել են կամ վարկային պատմությունդ բարելավվել է, կարող ես օգտվել ավելի ցածր տոկոսից:
• Վճարման ժամկետի երկարացում։ Եթե ունես ֆինանսական դժվարություններ և այժմ չես կարողանում մարել վարկդ, վերաֆինանսավորումը հնարավորություն կտա երկարացնել ժամկետն ու նվազեցնել ամսական վճարները:
• Պարտքերի համախմբում։ Մի քանիսի փոխարեն մեկ վարկ ունենալու դեպքում կրճատվում են սպասարկման վճարները, պարզեցվում է մարումների ընթացակարգը և քեզ կարող է առաջարկվել վճարման ավելի հարմար ժամանակացույց:

Ինչպե՞ս ընտրել վերաֆինանսավորման լավագույն առաջարկը

Վարկերի վերաֆինանսավորման լավագույն տարբերակն ընտրելու համար կարևոր է ուսումնասիրել տարբեր բանկերի ու վարկային կազմակերպությունների առաջարկները։ Ուշադրություն դարձրու մի քանի կարևոր հանգամանքի`

• Դիտարկիր ոչ միայն տոկոսադրույքը, այլև լրացուցիչ ծախսերն ու թաքնված վճարները
• Կարդա պայմանագրի մանրամասները (ժամկետներ, վաղաժամ մարումների կանոններ, հնազանդման պահանջներ)

Սա կօգնի քեզ խուսափել պայմանների «կեղծ» բարելավումից:

Իսկ եթե քո գործող հիփոթեքային վարկի պայմանները քեզ չեն գոհացնում կամ ուղղակի ուզում ես օգտվել բարելավված պայմաններից, քեզ կհետաքրքրի Ամերիաբանկի նոր առաջարկը: Այն կօգնի քեզ իջեցնել վարկիդ տոկոսը և ստանալ քեշբեք վարկի գումարից:

• 1% քեշբեք վարկի գումարից
• 12,9% հատուկ տոկոսադրույք (առաջին 3 տարիների համար)
• Վարկի անվճար տեղափոխում 

Հաշվի առ, որ առաջարկը գործում է հիփոթեքային վարկը մինչև 01.09.2025թ. Ամերիա տեղափոխելու դեպքում: Հատուկ առաջարկի մանրամասներին կարող ես ծանոթանալ այստեղ:

Այսպիսով` վարկերի վերաֆինանսավորումը կարող է զգալիորեն հեշտացնել քո ֆինանսական կյանքը, նվազեցնել ծախսերն ու նպաստել քո ֆինանսական կայունությանը։ Պարզապես պետք է հետևել նորություններին, ճկուն լինել և օգտվել ընձեռված հնարավորություններից: